1 2 3 4 5 6 7 8 9 10 11 12

La preghiera di una creatura

A preghëa de ‘na creatûa

Ûn strazetto ch’o monta in salita,
‘na casa ch’a segna ö cammin,
a gëxetta rōziggiâ dä-o tempo
a statua de ‘na madonetta ch’a rïe.
Ammime, abbassa a tò testa santa
verso de mi che te domando,
in zenōggio, de dame tanto coraggio,
d’aggiuttame a vive sta vitta rövinà.
Nō servan troppe parolle inûtili
ma t’arvo ö mae chêu stanco
ch’o fâ sangue, ch’o spâxima, ch’o cianze
pe ‘na larga e profonda ferïa.
De lasciù ti päi assae ciù bella,
i tò êuggi son lampi de luxe,
a speranza a s’arve, a s’allarga
e a l’inonda a mae vêua voentae.
Me fermo, te veddo, te prego:
ti ti me pêu fâ guarî.
Damme a forsa de andâ avanti segûa
fra ûn mûggio de doî e de mâ.
A restiâ de lungo là a madonnetta
ch’a rïe in te ‘na giōrnâ de sô.
A splende viva cōmme un rōsso rûbin
e zà dä-o mae chêu ö sangue o nō sciorte ciù.
La preghiera di una creatura
Una stradina che sale in alto,
una casa che indica il cammino,
la chiesetta rosicchiata dal tempo
la statua di una Madonnina che ride.
Guardami, abbassa la tua testa santa
verso di me che ti domando,
in ginocchio, di darmi tanto coraggio,
di aiutarmi a vivere questa vita rovinata.
Non servono troppe parole inutili
ma ti apro il mio cuore stanco
che sanguina, che spasima, che piange
per una larga e profonda ferita.
Di lassù sembri molto più bella,
i tuoi occhi sono lampi di luce,
la speranza si apre, s’allarga
e inonda la mia vuota volontà.
Mi fermo, ti vedo, ti prego:
tu mi puoi fare guarire.
Dammi la forza di andare avanti sicura
fra un mucchio di dolori e di male.
Rimarrà sempre là la madonnetta
che ride in una giornata di sole.
Splende viva come un rosso rubino
e già dal mio cuore il sangue non esce più.

Indice



Vista su Uscio in tempo reale