Un mucchio di stracci sporchi

Ûn mûggio de straççe sporche

In sc’en schêuggio baxou dä-o sô,

erto in çê, osservo ö mâ carmo;

saero i êuggi e ciannin comenso

a scûggià zù in sciö föndo marin.

Ûn silensio e ‘na paxe

me vegnan incontro tegnindose pe man.

Nō sento ciù e voxi röche di ommi

che de d’äto s’arrûbattan pe soffrî.

Cōmme son tranquillo a-o momento

che l’aegua a me ten ben streito.

Me pä propio che ö mae respïo

o nō sciorte ciù dä-a mae bocca.

‘Na cattedrale verde smeraldo a ïsa

con solennitae i so mille campanin

verso ö riverbero do sô ch’o çerca

de infiâse in tō scûo dō mâ.

A me fâ scordâ che ö mōndo

ansioso o l’existe ancon lasciù.

Tento de tōrna fêua, a-a lûxe.

Nō riescio, nō posso, nō vêuggio.

Me piaxe assae restà chì pe sempre.

In sciö schêuggio brûxôu dä-o sô

gh’e arrestou ûn mûggio de straççe sporche.

Su uno scoglio baciato dal sole,

alto nel cielo, osservo il mare calmo;

chiudo gli occhi e piano comincio

a scivolare giù nel fondo marino.

Un silenzio e una pace

mi vengono incontro tenendosi per mano.

Non sento più le voci roche degli uomini

che di sopra si arrabbattono per soffrire.

Come sono tranquillo adesso

che l’acqua mi tiene ben stretto.

Mi sembra proprio che il mio respiro

non esca più dalla mia bocca.

Una cattedrale verde smeraldo alza

con solennità i suoi mille campanili

verso il riverbero del sole che cerca

di infilarsi nel buio del mare.

Mi fa dimenticare che il mondo

ansioso esiste ancora lassù.

Tento di tornare fuori, alla luce.

Non riesco, non posso, non voglio.

Mi piace molto rimanere qui per sempre.

Sullo scoglio baciato dal sole

c’è rimasto un mucchio di stracci sporchi.

L'autore